قصة الأرملة السوداء كامله بكل اجزاءها

و فجأة وقف الأصنصير وانقطعت الكهرباء.. ضرب راس يامن وصار يتطلع حواليه بخوف.. 

ضل واقف شوي هو وعم يحاول ينظم انفاسو وما يتوتر.. مرقت عشر دقايق وبلش يفقد اعصابو.. 

يامن: ليكي رنيم … الموضوع مو لعبة افتحي بسرعه وطلعيني من هون..
حط ادنو على الباب بس ما سمع اي صوت، معقول تعمل هيك فيه ! …
فتح ازرار قميصو الأولى … تطلع حواليه وحاول يمسح قطرات العرق الي تكاثفت على جبينو..

كانت رنيم قاعده تحت ومبسوطة كتير هي وعم تتخيل خوف يامن 
اتصلت على رؤى هي وعم تضحك وعم تحكيلها شو عملت 

رؤى: رنيم انتي عم تمزحي صح ؟

انها دايمًا كانت تلاحظ عليه انو بيستخدم الدرج وما بطلع بالأصنصير الا لما يكون مضطر 
فجبتو لهون وعملت الي عملتو.. رح يصرلو ربع ساعه.. بدي خليه ساعه كامله فوق..

صرخت رؤى فيها بخوف: لك يا مجنونة يمكن تموتيه.. الي بيعانو من خوف من الأماكن الضيقه بحسو بالاختناق وبيعطو اشارة للدماغ انو الهوا عم يخلص

سكرت رؤى الخط وبلعت رنيم ريقها.. مشت لعند الأصنصير وحطت ادنها على الباب ما سمعت اي صوت..

قشعر جسمها وبلشت تحس بالخوف.. مسكت الهاتف واتصلت بالبواب مشان يرجع الكهربا بس ما رد..
رجعت رنت مرتين ما رد 
ضربت على باب المصعد بايديها التنتين وصرخت: يامن… يامن عم تسمعني؟ 
..بلشت تتسارع انفاسها وترجف.. ركضت وطلعت على الدرج بسرعه..