رواية وقعت في شباكه بقلم سوليية نصار

-بنتك صحيح ڠلطټ يا استاذ أشرف بس غلطك انت ووالدتها اكبر...معلش كنتوا فين لما سافرت مع واحد غريب  ها 
-ايوة صح كنتوا فين 
صرخت سها بطريقة فزعت امي 
-بسم الله الرحمن الرحيم مالك يا بنتي..مش كده 
قالتها امي فزقتها شوية سها وهي بتمسح دموعها وبتقول:
-لا انا من النهاردة مش هسكت عن حقي يا طنط..كنت فين يا بابا..وامي كانت فين...انتوا مهتمتوش بيا...محبتونيش...انت انشغلت بمراتك وروحت تربي عيالها وامي انشغلت بجوزها وراحت تربي عياله وانا بنتكم راميني عند جدتي زي lلکل*پة عايشة زي الېتيمة وانا ليا اهل....انتوا بتكرروا غلط ابو امير...بتزرعوا فيا  نفس اللي اتزرع في امير....حد فيكم فكر فيا...فكر انا محتاجة ايه 

-وانتي محتاجة ايه يعني الفلوس بتوصلك اول بأول 
- انا مش عايزة فلوسكم انا عايزاكم جمبي...عايزاكم تحبوني...تسألوا عليا...تعرفوني الصح من الغلط....ولو عايزين تض*ربوني كمان لو ڠلطټ اض*ربوني معنديش مانع بس خليكم جمبي  وحبوني...
مسحت ډمۏعي وانا مش متخيل ان سها شايلة كل ده في قلبها...طول عمري بشوفها شيطان بس النهاردة بصيتلها بطريقة مختلفة...سها ضحېة زيي  ...بس  ده معناه اننا نأذي غيرنا عشان اتأذينا والجواب كان لا 

قرب والد سها وحضنها وهي بټپکې...بعدت ومسحت دموعها فقال:
-اوعدك مش هسيبك ابدا 
ابتسمت وقالت:
-او ممكن تجوزني وتخلص مني 
-ايه 
-قريب شهد يا بابا صاروخ...جوزني يالا ليه 
قرصها ابوها في كتفها فصرخت..مقدرتش اسيطر علي نفسي وضحكت بصراحة...سها حطت حسن في. دماغها الله يكون في عونه 

......
بعد نص ساعة كنا لسه واقفين بعد ما سها وأبوها مشيوا...كانت عيني علي.  شهد اللي باصة علي الأرض...وكانت رافضة تبص عليا حتي 
- ماما انا بحب شهد...عارف اني ڠلطټ ومستعد اعمل اي حاجة عشان اصلح ڠلطي 
-هي  اللي تقرر تسامحك ولا لا 
بصتلها بتوسل...فهي بصتلي وعيونها مدمعة وقالت:
- ماما صفية انا عايزة اتطلق منه !!!
.......
اتطلقنا انا وشهد بعد توسلات كتير مني انها تديني فرصة تانية...بس مستسلمتش...ايام واسابيع مرت وانا بترجاها ترجعلي...عملت كل حاجة ممكن حد يتخيلها...حلفتلها علي. المصحف اني بحبها...