روايه عشق الأدهم بقلم ماهى عاطف
روايه عشق الأدهم بقلم ماهى عاطف
لان اسر ميعرفش بالاتفاق همس دخلت هى وأدهم لقتهم كلهم قعدين وبصولها بفرحه خبوها بسرعه قبل ماتشوفها رحبوا كلهم بأدهم الى بص لاياد وغمزله فاياد فهم وابتسم اسر شافهم هو كمان وفهم
همس لحنين هى ماما لسه نايمه
حنين لا ياحبيبتى صحيت وسالت عليكى
همس طيب تعالوا ندخل لها علشان عايزاكم فى موضوع
دخلوا كلهم عند هناء همس راحت باستها عامله ايه دلوقت ياماما
همس بصت لأدهم كنت مع أدهم وبصتلهم كلهم انا ياجماعه انا يعنى
أدهم كمل بدلها انا وهمس هنتجوز
الكل فرح جدا وخصوصا هناء الى خده همس فى وعيطت من الفرحه
هناء بدموع الف مبروك ياقلب امك
همس طيب ليه الدموع دلوقت
هناء ابتسمت دى دموع الفرحه وبصت لأدهم الف مبروك ياحبيبى
أدهم راح باس راسها وكان نفسه يقولها شكرا ليكى انتى الى خليتيها توافق حتى لو جواز ناقص المهم انها معاه وليه الله يبارك فيكى والف سلامه عليكي
أدهم بنفس الوشوشه مش انا الى عملت الحاجه ربنا يخليها الى عملت
اسر فهم قصده وعرف اخته وفقت ليه مش مهم السبب المهم انها وفقت
أدهم عايز يقوله انت مش عارف حاجه ده جواز مع وقف التنفيذ اه المهم انها وفقت الحمد لله
اسر الف مبروك يا صاحبى
ادهم الله يبارك فيك ياحبيبى
حنين الو ايوا يانونا مبروك الخطه نجحت بامتيااااااااز
لقت صوت من وراها وقف قلبها خطة ايه دى الى عملتوها !!!!!!!
روايه عشق الادهم ..
الحلقه السابعه عشر ..
حنين لقت صوت من وراها وقف قلبها خطة ايه دى الى عملتوها !!!!!!!!!!!
بصت وراها لقيتها منه بتقلد صوت همس اخدت نفسها وبصت لمنه بعيظ الى وقفه مېته من الضحك انتى يابت عايزه تموتينى حرام عليكى وقفتى قلبى
حنين مسكتها من شعرها اضحكى كمان والله مانا سيباكى جريت منه لقت همس فى وشها استخبت وراها الحقينى ياهموسه اختك عايزه تضربنى.
همس ضحكت عليهم فى ايه ياحنين عايزه تضربيها ليه
حنين بصت لهمس مش عارفه تقولها ايه منه بصتلها وغمزتها ماتقوليلها عايزه تضربينى ليه
همس بتحاول تخلص طيب قوليلى عملت فيكى ايه
منه هقولك انا ياهموسه كل الحكايه انى سمعتها وهى بتكلم
حنين قاطعتها خاڤت لتقول لهمس منه اتلمى احسنلك
منه ضحكت ياستى ايه المشكله لما اقولها دى حتى تفرح بصى ياهمس الست ماما عايزه تستفرد ببابا وقال ايه عايزانى ابات عندك وبصت لحنين وغمزتها مش كده يماما
منه جريت دخلت عند هناء وهمس عماله تضحك عليهم
همس كل ده علشان كده طيب فيها ايه يعنى ولا انتى مكسوفه من بنتك
حنين بصتلها وبتقول لنفسها والله مانتى فاهمه حاجه
أدهم خرج واستاذن يمشى حور جريت عليه
حور خليك معانا يابابا شويه اقولك اتغدى معانا ماشى
أدهم شالها معلش ياحبيبتى خليها مره تانيه
حنين لا ياأدهم مينفعش تمشى داوقت غدا عيب لما تمشى ماتتكلمى ياهمس
همس اه صح مايصحش انا عشر دقايق والغدا يجهز
دخلوا البنات يجهزوا الغدا وأدهم وأسر وإياد وفارس الى اجى لما عرف الى حصل قعدوا مع بعض
إياد انا فرحان قوى اخيرا هفرح بيك
أدهم بصله وسكت هو فرحان انها خلاص هتبقى معاه وعلى اسمه بس كان نفسه تبقى موافقه تتجوزه علشانه هو مش عشان مامتها
اسر بصله مالك ياأدهم انت مش فرحان
أدهم بسرعه لا طبعا اكيد فرحان
أسر انا فاهم انت زعلان ليه
أدهم بصله وأسر كمل مش مهم هى وفقت ليه ياأدهم المهم ان جاتلك الفرصه انك تثبتلها انك بتحبها بجد وصدقنى همس لو مش عايزاك مكنتش وافقت هى اه خاڤت على ماما بس برده هى كانت عايزه سبب يساعدها توافق مش اكتر
أدهم معاك حق المهم انها وافقت مش مهم اى حاجه تانيه
اياد حاسس ان فى
حاجه تانيه بس أدهم مش عايز يقولها فسكت ومرداش يتكلم الا لما يبقوا مع بعض لوحدهم
الكل اتجمع واتغدوا مع بعض وأدهم كالعاده اخد حور وأدم جنبه علشان ياكلهم ورغم اعتراض همس بس أدهم بيبقى فرحان وهو بيهتم بيهم بعد الغدا أدهم اخد اياد وروحوا بعد ما اتفق مع اسر انهم هيجوا بكره يطلبوا همس رسمى
همس استاذن بعد مااطمنت على هناء دخلت اوضتها كانت فرحانه وخاېفه فى نفس الوقت وبتسال نفسها مېت سؤال واهم سؤال هى ليه قالتله ان جوزاهم يبقى سورى! يمكن كانت عايزه تعرف رد فعله ايه او هى فعلا عايزه تفضل بعيده عنه مش عايزه تتعلق بيه اكتر لانها مش عارفه لسه تثق فيه فضلت قعده مع نفسها تفكر يمكن توصل لاجابه تريحها
____________________
أدهم وإياد روحوا وبلغوا ناديه وشريف
