حكاية بنت واخوها _الاول

نسمه زميلتي في الشغل..
هناء 
اتجوز بس ملك واعمل المشروع بتاعك واسند نفسك كده ويبقي معاك قرش كويس ولو عايز تتجوز اربعه حتي براختك الراجل ما يعيبوش غير جيبه..
مجدي 
طيب وهي ملك ممكن توافق بيا انا يا ماما..
هناء 
وهي تلاقي عريس زيك كده فين متعلم وواخد كليه وكمان شكله حلو وشغال في شركه كبيره هي اصلا دي كان حد معبرها...

مجدي 
طيب علي بركة الله انا هطلع ابات فوق في شقتي عشان تبقي براحتها طيب..
وتاني يوم صحيت ملك جهزت الفطار وروقت المطبخ وطلعت عمتها قالت..
هناء
ليه بس تعبتي نفسك يا بنتي انا كنت هطلع اعمل كل حاجه..
ملك 
عادي يا عمتي وفيها ايه لما اساعدك هو انا مش زي بنتك ولا ايه..
هناء
واغلي من بنتي كمان روحي بس صحي مجدي وخليه ينزل يفطر معانا..
ملك 
حاضر يا عمتي من عينيا..
طلعت ملك وخبطت علي شقة مجدي اللي فتح وقال ليها..
مجدي
صباح الخير يا ملك..
ملك 
صباح النور يا مجدي عمتو بتقولك تعالي افطر معانا..
مجدي 
حاضر يا ملك جاي اهو..
ملك 
معلش يا مجدي جيت رخمت عليكم وخليتك تبات لوحدك هنا
مجدي 
والله عيب اللي بتقوليه ده يا ملك ده احنا اهل ومالناش الا بعض..
ملك 
ربنا يخليك يا مجدي يارب ويباركلك..
مجدي 
هي ماما ما قالتلكيش حاجه..
ملك 
لا ما قالتش حاجه هي في ايه بالظبط..
مجدي وقف قدامها قبل ما تدخل الشقه وقال 
بصراحه كده يا ملك انا بحبك وعايز اتجوزك..
اتوترت ملك جدا وقالت 
انت فجاتني والله يا مجدي وبعدين الظروف اللي انا فيها يعني ما..
قاطعها مجدي وقال 
انا عارف كل حاجه ومش هضغط عليكي وبعد اذنك هروح الشغل..
ملك
طيب مش هتفطر الاول
مجدي 
لا هفطر في الشغل عشان ما تتوتريش اكتر من كده..
مشي مجدي وراح شغله ودخلت ملك شقة عمتها وكانت مبسوطه اووي وقالت..
ملك 
يا عمتو انتي ازاي ما تقوليليش ان مجدي عايز يتجوزني..
هناء 
هو الولد ده قالك هو بيحبك من زمان يا ملك وانا قولتله يستني تعدي فتره علي ابوكي الله يرحمه بس اعمل ايه مستعجل اووي.. انتي رئيك ايه بقي..
ملك 
بصراحه مش عارفه يا عمتو وحتت انه كان خاطب ميار زمان وبينهم قصة حب كبيره مديقااني..
هناء 
ده كان زمان كان لسه في الكليه وعيل صغير مش فاهم حاجه انما دلوقتي كبر وعرف مين اللي تنفع تبقي مراته واهو علي الاقل تفضلي جنبي وتحت عيني واطمن عليكي يا بنتي..
مسكت ملك ايد عمتها وقالت 
انا اكتر جاجه هتخليني اوافق هي انتي يا عمتي انتي عوضتيني عن غياب امي اووي..
هناء 
يعلم ربنا معزتك عندي اد ايه قوليلي بقي لما يجي الواد مجدي اقوله انك موافقه..
ملك 
القرار ليكي يا عمتي بس معلش خليه يروح يخطبني من فارس ده مهما كان اخويا الكبير برضو..
هناء
اصيله يا حبيبتي بجد عزيز اخويا مخلفش غيرك ياريته فارس في ربع اخلاقك..