قصة نار غيرتي وانكسار قلبي (كاملة) بكل اجزائها

الراجل بيبقى عنده علاقات سابقه كتير قبل الجواز. وبيبقى ف بنات كتير مروا عليه ف حياته. أصحاب زميلات زي اخواته أعجب بيهم مواقف شغل بس معظم البنات مش بيتمسحوا خالص من زاكره الراجل.

والنوع دا بيبقى حبيباته اللي حبهم بس محصلش نصيب ممكن ع مر سنين عمره يكون الراجل حب يجي 5مرات بجد ومن قلبه وبيفضل فاكر الذكريات دي والتفاصيل الجميله اللي بينهم.

ولو ف مره حس بسعادة أو بزعل أو حد ذكر أسمائهم بتيجي زكراهم ع عقولهم. بس اكيد طبعا حب عن حب يفرق. وأكثر واحده بيفكر فيها الراجل هي اكتر واحده فيهم هو حبها ودي عاده بتبقى آخر حب. لأنه لو حب بعدها يبقى هو كده عمره ما حبها… بعدها الراجل بياخد فتره كبيره سنتين تلاته فأكثر يحاول يغمس نفسه ف حياته وشغله وبعدين بيفكر ف الجواز علشان يستقر. مش علشان يحب. بس بيبقى عارف ان الجواز هيجي فيه الحب بالعشرة.

بطلنا آدم ماخدتش فرصته كامله. بعد ما انفصل عن جودي حسب النصيب وغصب عنهم أهله جوزوه بسرعه وطبعا الموضوع كان صعب عليه لأن نسيان الحب بياخد وقت وقلبه بيبقى مقفول ومش عايز يتفتح تاني.
لكل بنوته. اوعى تغلطي في أي بنت من علاقاته القديمه لأنه هيدايق ومهما قولتي عنها بوحش مش هيقتنع.

الراجل مش بيحب يتكلم عن علاقاته القديمة بس زكرياته مش بتتنسي. وخصوصا اكتر واحده حبها فيهم.
الرجاله شايفين أن الذكريات دي حاجه حلوه والحاجة الحلوه مش بتتنسي.
الراجل بيبقى كتوووووووم جداااااااا موضوع ماضيه القديم. يعني مهما قالك دا كلام وراح ومهما قال محبتش غيرك. مش تصدقيه.

لانا:قاعده مش عارفة هي ليه زعلانه. لانا حاسه بنقص. حاسه أن جودي زيادة عنها بحاجات.
لانا بدموع:يابختك يا جودي. محفوره ف قلب جوزي. وهتتحفري في قلب جوزك المستقبلي والاتنين هيبقوا بيحبوكي ودايما هتبقى حاجه جميله بالنسبة ليهم

لانا بانهيار بس انا مفيش حد هيحبني…

انا عارفه أن الحب بذكرياته بتبقى جميله بس انا ذنبي ايييييييييه
لانا بتريقه ياريتني انا كمان كنت عملت زيك يا جودي وسيبت نفسي للحب اكيد كنت هلاقي اللي يعشقني ويموت عليا. ومكنتش ههتم ب آدم. ومكنتش هغير عليه.

لانا بهدوء:انا مش عارفه مين اللي مظلوم دلوقتي فينا احنا التلاته وعيطت بس اللي عارفاه انهم لسه بيحبوا بعض.

لانا بتعب قررت تنام وترحم نفسها من التفكير. نامت وهي موجوعه. انوثتها محطمه. اصبحت شمعة منطفئه. وأصبح أنينها وشهقات بكاءها لحن حزين يتملكها…..

آدم جه من الشغل وفتح الباب. لقي لانا نايمه ف الصالة.
آدم قفل الباب وقرب عليها بحنيه وضحك ابتسامة خفيفة وملس ع شعرها ب أيده.
آدم بهدوء:لانا لانا
لانا صحيت ع صوته. أول ما شافته وجع قلبها خف شوية
لانا ف سرها:أهدى يا قلبي. وجعك خف ليه؟ انت مفكر انك لما تواجهه هترتاح؟ لا طبعا. الرجاله دول بيقولوا عكس اللي جواهم ف المواضيع دي.

لانا قامت من ع الكرسي ومشت بعدم اهتمام.
آدم بحيرة:لانا! مالك
وراح وراها
لانا:مفيش حاجة وضحكت علشان مش يضغط عليها ف وقتها هتضطر تقوله.