حامل من غير ماعرف

وهي بتقول
سمر 
والله العظيم بنت حلال وغلبانه جدا وطيبه
رقيه 
دي مين دي بقى يا سمر اللي بنت حلال وغلبانه جدا وطيبه عارفه لو عرفت انك بتتكلمي عن ميار مع اخوكي هعمل ايه
سمر
هو في ايه يا رقيه انتي واقفه لينا على الكلمه ولا ايه اه بتكلم عليها وانا شايفاها كويسه وبنت حلال
رقيه 
اسمعي يا حبيبتي العماره دي كلها بتاعتي انا لو انتي ناسيه انا افكرك لما كان ابوك بيبيعها وانا كان معايا ورث ابويا واشتريتها منه

سمر
عاجبك كلام مراتك ده يا يحيى بقول لك ايه يا رقيه احنا كلنا شغالين معاكي في الورشه وما بناخدش حاجه عشان بنحاول نعمل جمعيات
علشان خاطر نسدلك فلوسك
رقيه 
فلوس ايه يا ام فلوس اللي انت جايه تتكلمي عليها انا مش عايزه الفلوس دي بس مش عايزه حد يحرب على جوزي انه يتجوز
سمر 
شكلك يتخرفي انتي اللي معندكيش ثقه في 
نفسك انا رايحه شقتي وبعدها مشيت
يحيي 
ليه بس كده يا رقيه طريقه الكلام دي هي مكانتش تقصد حاجه
رقيه 
انا عارفه متاكده كويس قوي ان اخواتك عمالين يلعبوا في ودانك علشان تتجوز عشان تخلف
يحيي 
اخواتي عمرهم ما اتكلموا في كده وبعدين يا ستي انا لا يمكن اعمل كده
رقيه 
ماشي يا يحيي لما نشوف المهم قوم نام 
علشان ورانا شغل بكره
يحيي 
صحيح المعلم يحيى كان عايزني اسافرله المنصوره علشان خاطر شغلنا اللي هناك
رقيه 
وانت بتعرف تسافر ولا تعمل حاجه علشان خاطر تروح خليك هنا وانا هروح
يحيي 
ما فيش مشكله يانا يا انتي نكون هناك
انا قايم انام وبعدها دخل وهو داخل قال
يحيي 
ما تعرفيش فرحه عمري ازاي لما اعرف ان انت مش هتكوني موجوده يومين
وتاني يوم راحت ميار الورشه وقابلت يحيي
ميار 
صباح الخير يا يحيى هو ايه محدش نزل الشغل ولا ايه
يحيي 
ازيك يا ميار عامله ايه اصل انا اخواتي بيفرحوا لما اكون رقيه مش موجوده في البيت فكل واحده فيهم قالت هتنزل براحتها بقى
ميار 
يا خبر ابيض يعني هي مش موجوده طيب انا هستنى بره عقبال لما ينزلوا
يحيي 
رايحه فين والله ما انتي رايحه في حته تعالي 
انا جايب فطار خلينا نفطر
ميار 
انا مش عايزه اي مشاكل مع رقيه لسه ما نسيتش اللي كان بيني وبينك زمان
يحيي 
اللي بيني وبينك خلاص انت هو انا واثق ومتاكد ان هو كمان انتهى بالنسبه ليكي احنا خلاص ما بقيناش صغيرين
ميار
بس انا عارفه ان مراتك دماغها لسه صغيره وعمرها ما هتفكر ان خلاص اللي بيني وبينك انتهى
يحيي 
تاني هنتكلم في الحوار ده بقول لك مش موجوده في البيت يعني احنا المفروض نفرق حاجه لله على كده وبعدها فضلنا نضحك 
ونزلت سمر
سمر 
اكيد النهارده يوم عيد بالنسبه لكم انتم كمان مش كده بقول لكم ايه عشان الخبر الحلو ده انا هطلع اعمل اكل وانزل على طول
يحيي 
يا ريت بسرعه لان انا جعان قوي واكيد انتي كمان جعانه يا ميار انا عارف
ان عندك مشاكل كثيره قوي في بيتك