رواية ادهم وملك كاملة جميع الفصول بقلم مليكة مالك
*والله ي حبيبي هي فجاه طلبت لبس من اسعاد وقالت انها هتشتغل باكلها وانا حاولت كتير امنعها بس مقدرتش هي مصممه وبتقول مش هتكسروا عيني بالاكل والعيشه
” ادهم اتعصب وطلع اوضته، ملك كانت معظم الوقت قاعده علي الارض جمب السرير وحطه راسها بين رجليها وبتعيط بحرقه، شمس عارفه ان ملك مظلومه وعاوزه تثبت ده بس مش عارفه،
، ف مره رزان وشكريه قاعدين يتكلموا
-اخيرًا يا طنط دي كانت كابوس
=الحمد لله خلصنا منها ولسه هنخلص منها خالص قريب
-ايوة بقا ياريت
“وهما بيتكلموا حكوا كل الل عملوه والخطه القذره الل نفذوها وفجاه لمحوا خيال بيجري جريت رزان عشان تشوف ملقتش حد قفلت الباب
-انا خايفه ليكون حد سمعنا
=اسكتي خالص وانسي الموضوع ده
"في يوم الكل كان متجمع علي الاكل وملك موجوده بتقلب ف الطبق وخلاص عيونها مبقاش فيها دموع عشان تنزل، شيء كلها سبق سنها بكتير، نبضات قلبها بتتحايل علي بعضها عشان تدق وتدب فيها النفس، شكريه بصتلها بخبث وقالت....كلي ي ملك كلي يابابا ده اكل مكنتيش تحلمي تشمي ريحته ولا انتي ولا اهلك.. رزان قاعده تضحك..ايوه والله يا طنط..ملك انفجرت فيهم
-حراام عليكوواا كفااايه انوتا لي بتعملوا فيا كده انا مظلومه معملتش حاجه والله يا ادهم معملت حاجه والله اناا..انا حبيتك..انا هريحكم مني خالص ومش هتشوفوا وشي..جريت ملك برا البيت وهي بتعيط ودموعها قفلت الرؤيه قدامها وفضلت تجري
*ارتحتوا كده خلصتوا ختطكم الق@ذره، انا مش عارفه ازاي انتي تعملي كده
-خطت اي با بنت متتكلمي عدل
-في اي يا شمس
*انا هقولك في اي، طلعت شمس الموبايل من جيبها وفتحت مسجل وادهم سمع كل كلام ي كريه ورزان والخطه بتاعتهم، قام ادهم واقف
=لييييي لي عملتي فيا كده هوو انا مش ابنك لي خلتيني اظلمها حرام عليكي انتي ام انتي انا لو ابن حرام مكنتيش عملتي فيا كده، وبص لرزان وديني منا راحمك
*مش واقته يا ابيه الحق ملك
" جري ادهم علي برا وفضل يدور لقي لمه كبيره وناس بتعيط دخل بين الناس لقي بنت غرقانه ف دمها...مين دي..دي دي ملكككك
“جري ادهم علي اللمه ودخل بين الناس، لقي ملك مرميه علي الارض وغرقانه ف دمها، وقع ادهم جمب ملك وقعد يهز فيها ويعيط،
-ملك ردي عليا متسبنيش يا ملك، انا بحبك متسبينيش،
” الاسعاف وصلت،شال ادهم ملك بسرعه وركبها العربيه وفضل يهز فيها ودموعه نازله، اول م وصلوا الدكاتره اخدوها ودخلوا علي العمليات،
=لو سمحت اخرج
-ابوس ايدك يا دكتور خليني عاوز اطمن عليها
=اخررج يا استاذ مش هينفع كده وطرده برا الاوضه
“فضلت ملك ف العمليات ست ساعات متواصله، الدكاتره والممرضين بيجروا وحاله الطوارئ عامه ف المستشفي وادهم منهار م العياط وهيموت علي ملك، فجأه خرج دكتور من الاوضه ادهم جري عليه
-طمني يا دكتور ملك عامله اي، ممكن اشوفها ارجووك
=الحمد لله عدت مرحله الخطر، مش ممكن تشوفها دلوقت، هي ف غيبوبه وهتقعد فتره فيها، احنا بنعمل اقصي جهد ادعيلها انت، بعد اذنك
” ساب الدكتور ادهم ومشي وقف ادهم قدام الباب ودموعه نازله
-يارب يارب رجعهالي يارب
“بعد يومين ممنوع حد يدخل الاوضه وملك تحت الاجهزه فاقده الوعي، ادهم مش بينام ومش بياكل الارهاق والتعب وضح علي وشه ومش راضي يتحرك من قدام الاوضه الا لما يشوف ملك
-ابوس ايدك ي دكتور هشوفها وهخرج علطول ارجووك
=تقدر تشوفها بس بشرط، متعملش اي ازعاج للمريضه
” دخل ادهم لملك، وقعد جمبها ودموعه نزلت ”
-انا اسف ي ملك، اسف علي كل الل عملته، ظلمتك ومستنتش اسمعك، قسيت عليكي كتير وهنتك، انا اسف بس متسيبنيش يا ملك انا معرفتش الحب غير معاكي، هجبلك حقك يا ملك من الل عمل فيكي كده، قومي يلا ي حبيبتي انا معاكي، قومي يا ملك بقي ابوس ايدك انا ضعيف اووي من غيرك قومي
*لو سمحت ي استاذ اخرج كده بتئذي المريضه
