الام ارمى يابت الكاتب بقلم هويدا

تتعاقب على اللي هي عملته ده
وبعدها خرجت ل كوثر واقعد جمبها وقالت 
كوثر _ خير يا ندى خدتي حقك من دعاء عايزه تاخدي مني انا كمان ولا ايه 
ندي _ واخد حقي منك ليه انا لو مكانك كنت هعمل كده لو بعد العشره دي كلها جوزي سابني وراح يتجوز عليا عمري ما كنت هسكتله
كوثر _ تعرفي يا بنت لو اني مش بطيقك بس عجبتني الحركه اللي عملتيها ف دعاء دي
ندي _ دعاء دي مش كويسه والله وغلطه عمر ابنك أنه اتجوزها 
كوثر _ والله يا بنتي مشكله اني عرفناها على حقيقتها بعد ما اتجوزها 
ندي _ النصيب ربنا بكره يكرمه بواحده احسن منها 

كوثر _ طيب وانتي يا ندى ناويه تعملي ايه هتكملي مع مصطفى
ندي _ تعرفي والله لو بايدي همشي بس انا هروح فيها اهلي مش عايزين يدخلوني البيت لو اطلقت منه 
كوثر _ خليكي عايشه هنا وخلاص واديكي عايشه في شقتك وانا كده كده خلاص شلت مصطفى من قلبي اساسا 
ندي _ بجد انا مش عايزاكي تزعلي مني او تكرهيني ربنا يعلم انا بحبك ازاي وبجد 
كان نفسي انتي اللي تكوني امي 
كوثر _طب يلا يا بنت اطلعي شقتك جوزك شويه وجاي وفعلا طلعت وكانت دعاء بتمسح 
السلم وهي عامله ټعيط وقولت ليها 
ندي _ اصبري لما اعدي وبعدين عايزه لما اطلع شقتي تبقي تيجي تروقيها 
دعاء _ تبقي عبيطه لو فاكره ان الجوله كده خلاص خلصت لا يا ندى بكره تشوفي انا هعمل فيكي ايه
ندي _ خلاص راحت عليكي يا دعاء مبقتيش
زي الاول اوعي كده من وشي وعدا كام 
يوم وكنت وافقه في المطبخ بعمل اكل 
ودخلت كوثر 
كوثر _كفايه عليكي كده يا ندى بقى طول النهار واقفه في المطبخ يا حبيبتي تعالي اقعدي وانا خلي دعاء تكمل 
ندي _ انا خلاص خلصت الغداء اهو هغرف علشان خاطر نتغدى 
كوثر _مصطفى اتصل وقال ان هو وراه شغل كثير وهيتاخر واحمد كمان مش نازل تعالي بقى نقعد نتغدى انا وانتي 
ندي _ حاضر ماشي انا جايه وراكي وبعدها 
تلفوني رن ولقيت ماما بتكلمني. بتقولي 
الام _بالله عليكي الحقيني يا ندى بسرعه ابوكي ما اعرفش ايه اللي حصله يا بنتي
ندي_ماله يا ماما في ايه حاضر انا جايه ليكي حالا اهو وبعدها خرجت وقولت ل كوثر 
ندي _ معلش انا خلصتلك الاكل وكل حاجه بس بابا تعبان جدا وانا لازم اروحله دلوقتي
كوثر _خلاص يا حبيبتي روحي بسرعه وابقي طمنيني عليه 
ندي _ حاضر ومشيت وروحت البيت ولقيت 
بابا نايم 
ندي _ هو ايه اللي جرله يا ماما بالظبط 
الام _ والله يا بنتي ما اعرف حاجه هو كان على القهوه والناس جابوه كده بيقولوا لقوه واقع على الارض
ندي _طيب انا هروح اجيب الدكتور واجي على طول وفعلا روحت وجه الدكتور 
الدكتور _يا جماعه ده واخد منيم هو اللي عمل 
فيه كده 
ندي _ طيب وليه هيعمل كده وهو قاعد على القهوه يا دكتور 
الدكتور_على العموم هو كويس ما فيهوش اي حاجه خالص
ندي _شكرا يا دكتور معلش تعبناك معانا
وبعدها مشي الدكتور
الام _ يا ترى ليه عمل كده معلش يا بنتي جبتك بسرعه 
ندي _انا جيت بس عشان اطمن عليه انما انا مش عايزه اقعد في البيت ده لحظه واحده
ندي _ والنبي يا ندى ما تزعلي حقك عليا يا بنتي قله الفلوس اللي خليتنا نعمل فيكي كده 
ندي _ تغور الفلوس اللي تخليكي تسيبي بنتك
انا ماشيه 
وفي شقه مصطفي دخل احمد وشاف أمه 
عالارض 
احمد _ ماما ماما في ايه مالك قومي ايه اللي حصلك بس ونزلت دعاء وقالت 
دعاء _ ايه يا احمد مالك صوتك عالي ليه ايه ده يا ماما ايه اللي فيه اي 
احمد _ هو انتي لسه هتتكلمي روحي اطلبي دكتور بسرعه وبعدها طلبت الدكتور 
الدكتور _ البقاء لله بس هي لازم تروح المستشفى دلوقتي لان شاكك ان اللي حصل ده فيها بفعل فاعل 
احمد _ مين اللي هيعمل فيها كده يا دكتور
الدكتور _ انا بعتذر بس انا لازم ابلغ دلوقتي 
وفعلا بلغ وإنا كنت وصلت البيت ولقيت دعاء 
بتقولي 
دعاء _منك لله يا مفتريه الست الطيبه دي عملتلك ايه عشان تعملي فيها كده
ندي _ست مين هو انتي بتقولي ايه هو ايه اللي حصل بالظبط
احمد _ ما حدش غيرك كان واقف في المطبخ النهارده ولو فعلا حصل وعرفت انه امي حصلها كده بفعل فعلا ما تعرفيش انا اعمل فيكي ايه
وطلع مصطفي وقال 
مصطفي _ هو كلام ان الدكتور بيقولوا ده صحيح كوثر واحد ازاي انا ما اقدرش اعيش من غيرها 
احمد _ انت السبب مش روحت اتجوزت عيله من دور عيالك شفتها عملت ف امي ايه
مصطفي _ليه عملتي كده فيها يا مفتريه حرام عليكي ده كوثر ماكانش فيه اطيب منها
وفي القسم الطبيب الشرعي أكد أن الاكل 
كان فيه حاجه وانا كنت في القسم والظابط 
قالي 
الظابط _ هم بيقولوا يا ندى ان انتي اللي كنتي عامله الاكل وانتي اللي حطيتي ليها