رواية صماء لا تعرف الغزل كاملة بقلم الكاتبة الصغيرة من 1 الي 6
– جلست تنتظر قدوم ملك وشردت فيما حدث بينها وبين أخيها محمد عندما كان يبحث عن شركة جديدة للعمل بها، واستغلت فرصة أن ملك أبلغتها في وسط حديثها عن يوسف أنه أعلن بالجريدة انه يحتاج محاسبين شباب، فقامت بشراء الجريدة ووضعتها أمام محمد كأنه هو من وجد هذا الإعلان، وعندما أخبرهما اسم الشركة استطاعت إظهار رد فعل معاكس كأنها فوجئت باسم الشركة التي يملكها عم صديقتها المقربة، فهي تعتبر دخول محمد الشركة والتعامل مع يوسف خطوة في سبيل غايتها.
______________________
– ها عملت ايه؟
قالها شادي ليوسف الجالس أمامه ممسكًا بكأس من الخمر وساقيه على طاوله بيضاوية أمامه، ارتشف يوسف من الكأس ثم أجاب شادي وقال:
– وانت مالك مهتم أوي كده ليه؟
شادي:
– يا أخي أنا لحد دلوقت مش مصدق ان الملاك ده يطلع منه كل ده! مش يمكن نكون ظالمينها؟
يوسف:
– إزاي مش فاهم؟ أنت لو شوفتها النهاردة والبيه ماسك ايديها ازاي مش هتقول كدة.. وكمان تعالا هنا، انت عجبتك ولا ايه؟ عمال تدافع اوي! انت وقعت؟
شادي وهو يفتح علبة سجائره الموضوعة على الطاولة:
– هي من ناحية عجبتني.. فهي تعجب أيّ حد، بس مش عارف حاسس إن فيه حاجة غلط، وكمان موضوع انها طلعت مش بتتكلم ده صدمني شوية.
يوسف بضحكة ساخرة:
– ميصعبش عليك غالي.
تقى وهي تسترق السمع خلف باب غرفة محمد:
– إن شاء الله بكرة فيه حفلة في ڤيلا البشمهندس يوسف متعمليش حسابي على الغدا لإني يدوب هرجع ألبس وأمشي.
الحاجه راويه:
– ماشي يابني هبقى اسيبلك الأكل في المطبخ لو جعت بليل.
لاحظت راويه شرود ابنها فتساءلت:
– مالك سرحت فإيه؟
محمد:
– مفيش، قلقان شوية على غزل.. الراجل اللي اسمه يوسف ده مش مستريح له.. بيبص كده لغزل نظرات مش طبيعية، واللي زاد انه طلبها تشتغل في الشركة في قسم الترجمة وعزمها بكرة على الحفلة معايا.
راويه:
– طيب يابني بلاش الشغل معاه مدام قلقان منه.
محمد:
– ما ده اللي كنت ناويه.. بس هي لقيتها نفسها تشتغل وأنا الصراحة قولت فرصة تتعامل مع ناس غيرنا مش هتفضل كده على طول.
رواية:
– ربنا يستر عليها يابني.
محمد بشرود:
– آمين.
_________________
في داخل الغرفة
قبضت يدها على مفرش سريرها بقوة وهي تنظر للاشيء يتردد في أذنها كلمات أخيها عن غزل (بيبص لغزل نظرات مش طبيعية) كانت تشتعل من داخلها منها.. تريد التخلص منها، الكل يهتم بغزل، الكل يخاف عليها، حتي من تسعي إليه يهتم بها.
قالت تهمس بصوتٍ منخفض يملئه الحقد والكراهية:
– اخلص منك إزاي!
_____________________
في يوم الحفل
– يامحمد قولتلك ملك صاحبتي اللي عزمتني على الحفلة والله، تحب اتصلك بيها تتأكد؟
– ياستي ولا تتصلي ولا تتكلمي، مش هتيجي معايا انا هاخد بالي منك ولا من غزل!
قالها محمد وهو يتجه إلى خزانته ليخرج بدلته
– إيه العيشة دي؟ كل حاجه غزل غزل!
قالتها وهي تضرب قدمها في الأرض، اعتراضًا على ما يقوله، وخرجت من حجرته لتنفذ ما هيأه لها عقلها.
